پاکستان کا مقدر صرف سوشلسٹ انقلاب ہی بدل سکتا ہے

۔ جرمنی میں یہ پروگرام اپنی نوعیت کا الگ اور عالمی نوعیت کا پروگرام تھا جس میں سٹیج سے تین زبانوں میں تقریریں کی گئیں اور نیچے پبلک میں بھی تین زبانوں میں ترجمہ ہو رہا تھا جن میں اردو ، جرمن اور انگلش زبان تھی جو ہمارے ساتھی تیمور خان اور خورشید علی کر رہے تھے۔ جبکہ پروگرام کو ساتھی قمر شاہ اور یاسر میر آرگنائز کر رہے تھے۔ دو ساتھی امریکہ سے آئے ہوئے تھے جس میں سے ایک ساتھی کین نے افغان جنگ کی مخالفت کرتے ہوئے پاکستانی عوام کی طبقاتی جدوجہد کی مکمل حمائت میں تقریر کی ۔ ایک سنگھ ساتھی بھی موجودہ تھا ۔ ڈی لنکے پارٹی کی طرف سے ضلع فریدبرگ سے ، ریاست حیسن کے درالحکومت ویزبادن سے ، فرانکفرٹ شہر ، ضلع اوفن باغ کے علاوہ دوسرے شہروں سے بھی جرمن ساتھیوں نے بھر پور شرکت کی ۔ اور پاکستانیوں کی بھی بڑی تعداد تھی ۔ سٹیج سیکرٹری کے فرائض عبدالقدس نے ادا کیے جس نے سب سے پہلے یہ بتایا کہ آج کا یہ پروگرام چنگاری فورم جرمنی کا دسرا پروگرام ہے جو لال خان کی کتاب کی اوپنگ کے حوالے سے کیا جا رہا ہے اس سے پہلے چنگاری فورم کے ساتھیوں نے پاکستان ٹریڈ یونین کے بینر تلے جرمنی کی تاریخ میں پہلی بار فرانکفرٹ میں یوم مئی کے مرکزی جلوس میں بھر پور شرکت کی تھی ۔ اس کے بعد کتاب پاکستان کی اصل کہانی کا تعارف نہایت عمدہ طریقے سے پیش کیا۔ اور پھر سب سے چنگاری فورم جرمنی کے صدر اور چنگاری ڈاٹ کام کے ایڈئٹر معظم کاظمی کو سٹیج پر آنے کی دعوت دی اس کے بعد ڈی لنکے ویزباد ن کی مرکزی کمیٹی ، اور ڈیئر فونکے ڈاٹ ڈی ای کے مرکزی رہنما کرسٹوف ، اوفن باغ ڈی لنکے کی مرکزی کمیٹی کی رہنما ثمینہ خان ، اور آخر میں کتاب کے لکھاری لال خان کو سٹیج پر بلایا

۔ معظم کاظمی کے بعد کرسٹوف نے تقریر کرتے ہوئے پاکستانی مزدوروں کی جدوجہد سے اظہار یک جہتی کیا ۔ اور کہا کہ ہم نے پہلے بھی پاکستانی مزدروں کے لیے یہاں جرمنی میں کئی تحریکوں کو منظم کیا ہے ۔ اور کئی اجتماعت کیے ہیں ہم پاکستان میں مرک فورم کے مزدوروں کے ساتھ ہیں اور آئندہ بھی پاکستان میں محنت کشوں کی تحریک حمائت جاری رکھیں گئے

آخیر میں لال خان نے ایک نہایت تفصیلی پاکستان کے ماضی حال اور مستقبل پر تجریہ پیش کیا ۔ انہوں نے کہا کہ آج پاکستان میں سرچڑھی دہشت گردی حکمرانوں اور موجودہ نظام کی پیدا کردہ ہے یہ حکمرانوں اور ریاست کی اپنی لڑائی ہے جس میں بے گناہ عوام ہلاک ہو رہے ہیں ۔ انہوں نے کہا کہ کہ اگر پاکستان میں معاشی اعداووشمار دیکھیں جائیں تو موجودہ سرمایہ دار اور سامراج گماشتہ نظام حقیقت میں مر چکا ہے اسکو امریکی ٹیکوں سے زندہ رکھا جانے کی ناکام کو شیش کی جا رہی ہیں ۔ بھوک ننگ افلاس ، بے روزگاری ، خود کشیاں عوام کی اذیت اور حکمرانوں کی عیاشیاں پاکستان کے قومی نشان ہیں ۔ اس سے بدتر اور کیا ہو گا ۔ ۔۔ ۔ اور اچھا صرف ایک سوشلسٹ انقلاب ہی کر سکتا ہے ۔ لال خان نے کہا حکومتیں بے بس اور نظام ناکام ہے ۔ اور عوام کا کوئی پرسان حال نہیں آج پاکستان میں ایک حقیقی انقلابی پارٹی کی اشد ضرورت ہے تا کہ ایک سوشلسٹ انقلاب سے پاکستانی عوام کا مقدر بدلا جا سکے ۔ اس کے سوالات وجوابات میں دو دوستوں نے سولات کیے جس کا جواب لال خان نے احسن طریقہ سے دیا ۔ اور اس کے بعد لال خان نے بلو چستان میں مرک تحریک کے بارے میں تمام تفصیل سے آگاہ کیا اس کے بعد ایک قراد دار کی منظوری لی گئی جو سے شروع میں درج ہے ۔ اور اس طرح چنگاری فورم کا دوسرا باقاعدہ پروگرام کا اختتام نہیں بلکہ مرک کے لیے اور جرمنی میں جرمن پاکستانی مزدور اتحاد کی تحریک کا آغاز بنا